ઘઉંને ખતરો ......

વૈજ્ઞાનિકોએ ચેતવણી આપી છે કે ઘાતક ફંગસ એટલે કે ફફૂંદની એક નવી ઝેરીલી જાત દુનિયાના ઘઉંના પુરવઠા માટે મોટો ખતરો બની શકે છે. રૂસમાં થયેલ એક બેઠક બાદ સંશોધનકર્તાઓએ આ ખતરનાક પ્રકારના ફફૂંદા અંગે નવી જાણકારી આપી છે.

તેમના મતે કેટલાંક દેશોમાં આ ઘાતક ફંગસ અંદાજે 80 ટકા સુધીનો પાક ખરાબ કરી દે છે. યૂજી99 નામની આ ભૂરા રંગની ફફૂંદ એક દાયકા પહેલાં પૂર્વી આફ્રિકામાં શોધવામાં આવી હતી. આ ઘઉંના ડૂંડા પર આક્રમણ કરી તેને ખોખલી કરી દે છે.

વૈજ્ઞાનિકોના મતે આ ફંગસનો મુકાબલો કરી શકનાર ઘઉંની કેટલીય પ્રકારની જાતો તૈયાર કરી છે પરંતુ આફ્રિકામાં જોવા મળેલ યૂજી99 ફંગસની આ નવી ઝેરીલી જાતની સામે કોઇનું પણ જોર ચાલતું નથી. સંશોધનકર્તાના મતે આ ઝેરીલી ફંગસ એક દિવસમાં અંદાજે 160 કિલોમીટનું અંતર કાપી શકે છે અને તેના લીધે તેને રોકવું મુશ્કેલ થઇ જાય છે.

બરબાદી

કેન્યામાં આ સમસ્યા એક મહામારી ની શકલ અખ્તિયાર કરી ચૂકી છે. ત્યાં છેલ્લાં કેટલાંક વર્ષોમાં ઘઉંની કેટલોય પાક 80 ટકા સુધીનો બરબાદ થઇ ચૂક્યો છે. ચિંતાની વાત એ છે કે નવી શોધ પ્રમાણે ઘઉં પર વાર કરવા માટે આ ખતરનાર ફંગસ સતત ફેલાતી જતી રહી છે.

અમેરિકાના કોર્નેલ વિશ્વવિદ્યાલયના પ્રોફેસર રૉની કૉફમેન ઘઉં પર આવનાર બીમારીઓના નિષ્ણાત છે. તેમણે આ નવી ફંગસનું કારણ કહ્યું, 'છેલ્લાં ત્રીસ વર્ષોમાં ઘઉંની એવી જાતો તૈયાર કરવામાં આવી છે જે ઘાતક ફંગસ સામે લડી શકે. પરંતુ આ નવી જાતની ફંગસથી વિશ્વના 90 ટકા ઘઉ સમક્ષ ખતરો ઉભો થઇ શકે છે. ઘઉં વિશ્વમાં 30 ટકાથી પણ વધુ લોકોનો મુખ્ય ખોરાક છે અને તેના માટે આ એક મોટો ખતરો છે.'

શોધકર્તાઓનું કહેવું છે કે જો દુનિયાને આ ઘાતક પ્રકારની ફંગસથી જંગ જીતવી છે તો જેનેટિક એન્જિનિયરિંગને અપનાવવી પડશે. ઘઉં વિશ્વભરમાં ખાવાનું મુખ્ય સાધન છે.