નેટોલોજી.......

ઈન્ટરનેટ પર લોટરી દ્વારા છેતરપીંડી...

ઈન્ટરનેટનો વ્યાપ વધવાની સાથે છેતરપીંડીના કિસ્સાઓ પણ વધતા જાય છે. છેતરપિંડીની નવી ટેકનીકમાં લોટરીનો ઉમેરો છે. તમને વિદેશમાં લોટરી લાગી છે તેવું જણાવતો ઈ-મેલ આવે તો મહેરબાની કરીને આગળ ના વધશો. ઈન્ટરનેટ પર છેતરપીંડી કરનારા તમામ ડોક્યુમેન્ટ બતાવીને તમને વિશ્વાસમાં લે છે અને પછી તમારી પાસેથી પૈસા ખંખેરવાનું શરૂ કરે છે.


નબળા કાયદા અને ન્હોર વિનાના આઈટી એમેન્ડમેન્ટસના કારણે સર્ફીંગ કરનારા છેતરાઈ રહ્યા છે. આ લોકો રિઝર્વ બેન્ક ઓફ ઈન્ડિયાના ડોક્યુમેન્ટ બતાવીને લોકોનો વિશ્વાસ જીતી લે છે. તાજેતરમાં આવા લોકોની જાળમાં ફસાયેલાએ ૭૦ હજાર ચૂકવ્યા પછી પણ લોટરીની રકમ મેળવવી હોય તો બીજા ટેક્સના પૈસા ચૂકવવાનું જણાવતા ક્રોસચેકિંગ માટે આરબીઆઈની મુલાકાત લેતા તેમણે આ છેતરપીંડી જણાવી હતી. આ લોકો પૈસા જમા માટેનું ખાતુ પણ આપતા હોવાથી લોકોનો વિશ્વાસ વધે છે પરંતુ ઓવરઓલ આ એક વ્યવસ્થિત નેટવર્ક છે. ટૂંકમાં તમારા મેલબોક્સમાં આવો મેલ આવે તો સમજ જો કે કોઈ છેતરપીંડી કરનારા છે માટે ચેતજો...

ફીનલેન્ડમાં દરેકને બ્રોડબેન્ડના હકનો કાયદો

ભારતમાં દરેકને શિક્ષણનો હક છે એ કાયદો લાવવાના ધાંધીયા છે પણ ફીનલેન્ડમાં તો દરેકને બ્રોડબેન્ડ એસેસનો હક છે એવો કાયદો છે. ફીનલેન્ડમાં દરેક નાગરિકને બ્રોડબેન્ડની સવલત આપવા માટે ટેલિકોમ્યુનિકેશન ડીપાર્ટમેન્ટને ફરજ પડાય છે. એક એમબીએસની સ્પીડવાળું બ્રોડબેન્ડ મેળવવા તે હકદાર છે. જો એમ ના થાય તો તે કંપની પર કેસ કરી શકે છે. ફીનલેન્ડ ભારતની સરખામણીમાં ઘણું નાનું છે. તેની વસ્તી ૫૩ લાખ જેટલી છે પરંતુ આ નાનો દેશ મોટા દેશને બ્રોડબેન્ડની સવલતનો આઈડિયા આપે છે. ભારતમાં ઈન્ટરનેટની શરૂઆત બીએસએનએલ જેવી બીન જવાબદાર કંપની મારફતે થઈ હતી. કનેકશનની માથાકુટથી કંટાળતા લોકો પછી નેટથી દૂર રહેવા લાગ્યા હતા. જો કે અન્ય સર્વિસ પ્રોવાઈડર્સ આવતા બીએસએનએલને સારી સર્વિસ આપવાની ફરજ પડી હતી. જો કે ફીનલેન્ડે નવો રાહ ચીંઘ્યો છે.

ઈન્ટરનેટ બેન્ડવીથ
ઈન્ટરનેટ બેન્ડવીથની સમસ્યાથી સમગ્ર ગુજરાત હેરાન થઈ રહ્યું છે. બેન્ડવીથ પ્રોવાઈડર બીએસએનએલ આ કામમાં પછડાટ ખાઈ ચૂક્યું છે. એટલે જ નવા સર્વિસ પ્રોવાઈડરને સ્થાન મળે છે. ઈન્ટરનેટ સ્પીડના ધાંધીયાના કારણે ગુજરાતમાં ઈ-કોમર્સ અને ઈ-એજ્યુકેશનનું ડેવલોપમેન્ટ થઈ શક્યું નથી. બીએસએનએલ પાસે ટેકનોલોજી છે પણ તેનું ઈમ્પલીમેન્ટેશન નથી. જો કે અહીં એક વાત એ પણ છે કે વિશ્વમાં દરેકને વઘુ પાવરફુલ બેન્ડવીથની જરૂર છે. અહીં બેન્ડવીથ એટલે સ્પીડ આખું વિશ્વ વઘુ સ્પીડ ઝંખે છે. વાચકોને જાણીને આશ્ચર્ય થશે કે હાલની સ્પીડ કરતાં ૧૦૦ ગણી નહીં પણ ૧૦૦૦ ગણી ફાસ્ટ ઈન્ટરનેટ સ્પીડ મળે એ રીતે ઈન્ટરનેટનું માળખું થઈ રહ્યું છે.મેસેમેચેસ ઈન્સ્ટીટયુટ ઓફ ટેકનોલોજી (એમઆઈટી)ના સંશોધકો નવી નેટવર્ક ડીઝાઈન તૈયાર કરી રહ્યા છે જે ૧૦૦૦ ગણી ફાસ્ટસ્પીડ આવશે અને એનર્જી પણ ઓછી વપરાશે. ઈન્ટરનેટનું નવું માળખું ફ્લો સ્વીચીંગ સિસ્ટમ આધારિત હશે.

નવું અપનાવો
ઈન્ટરનેટ વિશાળ સમુદ્ર છે. સાથે સાથે ઈન્ટરનેટ ટેકનોલોજી પણ રોજ નીતનવી આવતી જાય છે પરંતુ આપણે ફેરફારો સાથે ટેવાયેલા નથી. જેમકે આપણે બ્રાઉઝર તરીકે એક્સપ્લોરર કે મોઝીલા ફાયરફોક્સ વાપરતા હોય તો આ બ્રાઉઝર બદલવાનું ભાગ્યે જ વિચારીએ છીએ. હકીકત એ છે કે નવા બ્રાઉઝર પર પણ શીફ્ટ થવું જોઈએ તો જ બધા બ્રાઉઝરની સરખામણી અને તેમાંની વિશેષતા જાણી શકાય છે. તાજેતરમાં બ્રાઉઝર ઓપેરાએ તેનું લેટેસ્ટ બ્રાઉઝર મૂકીને સૌને આકર્ષ્યા છે. ઓપેરા ડાઉનલોડ કરવાનો કોઈ આગ્રહ નથી પરંતુ એકના એક બ્રાઉઝર વાપરવાના બદલે કંઈક નવા તરફ જવું જોઈએ. જેનાથી વઘુ જાણવા મળે છે, વઘુ સવલત મળે છે. ઈન્ટરનેટ એટલે માહિતીનો ખજાનો છે તમે જેમ બદલતા રહેશો એમ એમ નવું પામતા જશો.

સાથે... સાથે
* ઓપેરાએ ૧૦.૬૦ બ્રાઉઝર બજારમાં મૂક્યુ છે, તેને ફાસ્ટર ધેન ધ ફાસ્ટેસ્ટની ઉપમા અપાઈ છે.
* ભારતમાં ગયા ગુરુવારથી ઈન્ટરનેટ સ્પીડના ધાંધીયા છે. ૬૦ ટકા સ્પીડ ઘટી ગઈ છે કેમકે દરિયા હેઠળના કેબલને નુકસાન થયું છે.
* લેપટોપમાં થ્રી-ડીનો ઉપયોગ કરવાનો ક્રેઝ વઘ્યો છે. આ માટે સ્ટીવ જોબ જવાબદાર નથી પણ અવતાર ફેઈમ જેમ્સ કેમેરોનનો આઇડિયા છે. ગ્રાહકોમાં તેમણે લેપટોપમાં થ્રી-ડી જોવાનો ક્રેઝ ઊભો કર્યો છે.